శ్రీవారికి పట్టువస్త్రాల సమర్పణలో సీఎం అరుదైన రికార్డు

తిరుమల శ్రీవారికి ముఖ్యమంత్రి నారా చంద్రబాబు 15వ సారి పట్టువస్త్రాల సమర్పించారు.శ్రీవెంకటేశ్వరస్వామివారి వార్షిక బ్రహ్మోత్సవాల ప్రారంభం సందర్భంగా రాష్ట్ర ప్రభుత్వం తరఫున మంగళవారం సాయంత్రం పట్టువస్త్రాలు సమర్పించి అరుదైన రికార్డు నమోదు చేశారు.

ఆలయ సంప్రదాయం: శ్రీ బేడి ఆంజనేయస్వామి ఆలయం వద్ద అర్చకులు సీఎం దంపతులకు సంప్రదాయబద్ధంగా ‘పరివట్టం’ కట్టగా, ముఖ్యమంత్రి పట్టువస్త్రాలను వెండి పళ్ళెంలో తలపై మోస్తూ మంగళవాయిద్యాల నడుమ ఊరేగింపుగా శ్రీవారి ఆలయానికి తీసుకెళ్లి గర్భాలయంలో అర్చకులకు అందజేశారు.

ప్రజల శ్రేయస్సు కోసం ప్రార్థన: స్వామివారికి 15వ సారి పట్టువస్త్రాలు సమర్పించే అవకాశం లభించడం అదృష్టమని సీఎం పేర్కొన్నారు. రాష్ట్ర ప్రజల క్షేమం, సమృద్ధిగా వర్షాలు కురవాలని, అలాగే భారతదేశం ప్రపంచంలోనే అగ్రరాజ్యంగా ఎదగాలని స్వామివారిని ప్రార్థించినట్లు తెలిపారు.

తిరుమల శ్రీవారి బ్రహ్మోత్సవాల వాహనసేవలు మంగళవారం ఉదయం నుంచి ప్రారంభమయ్యాయి. శ్రీవారికి పట్టువస్త్రాలు సమర్పించిన తరువాత ముఖ్యమంత్రి నారా చంద్రబాబు ఉభయ దేవేరులతో కలిసి పల్లకిపై పెద్దశేష వాహనంపై విహరిస్తున్న శ్రీమలయప్పస్వామివారిని దర్శించుకున్నారు. వాహనసేవలో ముఖ్యమంత్రి నారా చంద్రబాబు కుటుంబీకులతో కలిసి ఈ సంవత్సరం కూడా పాల్గొన్నారు. మంగళవారం రాత్రి ముఖ్యమంత్రి నారా చంద్రబాబు కుటుంబీకులు భార్య నారా భువనేశ్వరి, కొడుకు నారా లోకేష్, కోడలు నారా బ్రహ్మణి, మనవడు నారా దేవాన్ష్ తిరుమలలోనే బస చేశారు.