తిరుపతి విమానాశ్రయానికి 'ఈ-వీసా' స్టేటస్ వల్ల ఎవరికి మేలు?

తిరుపతి అంతర్జాతీయ విమానాశ్రయం నుంచి విదేశాలకు విమానాలు ఎగరడానికి తొలి అడుగు పడింది. కేంద్ర హోం మంత్రిత్వ శాఖ పరిధిలోని 'బ్యూరో ఆఫ్ ఇమిగ్రేషన్' ద్వారా తిరుపతి విమానాశ్రయానికి అధికారిక e-Visa ఎంట్రీ పాయింట్ హోదా కల్పిస్తూ ఈ నెల 11 వ తేదీ నోటిఫై చేసింది. దీంతో భారత ఈ వీసా ఉన్న విదేశీయులు దేశంలోకి ప్రవేశించడానికి అనుమతి ఉన్న అధికారిక విమానాశ్రయాల జాబితాలో తిరుపతి అంతర్జాతీయ విమానాశ్రాయానికి చోెటు దక్కింది. తద్వారా రాయలసీమ వాసులు చిరకాల కోరికకు రెక్కలు విచ్చుకున్నాయి. కేంద్ర హోంశాఖ విడుదల చేసిన అధికారిక నోటిఫికేషన్ వల్ల తిరుపతి తోపాటు భోపాల్ విమానాశ్రాయం కూడా అదే జాబితాలో చేరింది.

ఈ ఒక్క నిర్ణయం వల్ల మొదట తిరుమల శ్రీవారి యాత్రికులకు, NRIలకు ఎలాంటి మేలు చేస్తుంది. ప్రయాణికులకు ఎలాంటి కష్టాలు దూరం అవుతాయి. పారిశ్రామిక దిగ్గజాల కేంద్రీకృత శ్రీసిటీ సెజ్ (Sri City) కు ఈ-వీసా గేమ్‌ఛేంజర్‌గా మారబోతోంది. తిరుపతి నుంచి అంతర్జాతీయ విమానాలు ఎగరడానికి అవకాశం కలిగింది.

కేంద్ర నిర్ణయంపై తిరుపతి వైసీపీ ఎంపీ మద్దెల గురుమూర్తి ఏమన్నారంటే..

"తిరుపతి విమానాశ్రయాన్ని విదేశీ ప్రయాణికులకు అందుబాటులో తీసుకురావడానికి మొదటి అడుగు వేసింది. అంతర్జాతీయ విమానాలు నడపడానికి ఆ సంస్థలు ముందుకు రావాలి" అని ఎంపీ గురుమూర్తి వ్యాఖ్యానించారు. కాగా,
భోగాపురం అంతర్జాతీయ విమానాశ్రయం ప్రారంభ నేపథ్యంలో 2017లో ఆ హోదా దక్కించుకున్న తిరుపతి విమానాశ్రయం వ్యవహారం చర్చకు వచ్చింది. ఈ ఆరోపణలకు తెర దించుతూ, ఈ వీసా ఎంట్రీ పాయింట్ ఇవ్వడం ఆసక్తికర పరిణామం. దీనిల్ల ఎన్ ఆర్ఐలు, శ్రీవారి యాత్రికుల సంఖ్య పెరుగుతుందని భావిస్తున్నారు.

కేంద్ర హెంశాఖ జారీ చేసిన నోెటిఫికేషన్ వల్ల దేశంలో ఈ వీసాతో ప్రవేశించదగిన పోర్టుల సంఖ్య 88కి చేరింది. అందులో 37 విమానాశ్రయాలు ఉంటే, 38 ఓడరేవులు, 13 ల్యాండ్ సరిహద్దు పోర్టులు ఉన్నాయి.