మిషన్ రాయలసీమ: మదనపల్లె వద్ద ఆగస్టులో 'పూర్వోదయ'కు నాంది..

రాష్ట్రంలో ఉద్యానవనాల అభివృద్ధికి కేంద్ర ప్రభుత్వ ప్రాయోజిత 'పూర్వోదయ' పథకాన్ని ఆగష్టు నెలలో ప్రారంభించున్నారు. ఏపీలో మొదట ఈ కార్యక్రమాన్ని మదనపల్లె నుంచి శ్రీకారం చుట్టనున్నన్నట్లు ముఖ్యమంత్రి నారా చంద్రబాబు వెల్లడించారు. దీంతో పాటు కుప్పంలో బంగారు నిక్షేపాలు వెలికి తీయడానికి సమగ్ర అధ్యయనం చేయిస్తానని కూడా ఆయన ప్రకటించారు.

రాయలసీమలో ఈ నెల ఒకటో తేదీ నుంచి ఐదు రోజుల పర్యటన నెల్లూరు నుంచి ప్రారంభించిన ముఖ్యమంత్రి నారా చంద్రబాబు మూడో తేదీ నుంచి ఐదో తేదీ వరకు (ఆదివారం) వరకు కుప్పం నియోజకవర్గంలో విస్తృతంగా పర్యటించారు

"కుప్పం మండలం కంగుంది గ్రామంలో 60 ఏళ్ల భూ వివాదానికి ఎండ్ కార్డ్ వేశారు. ఒకే రోజు 322 మంది రైతులకు 460.19 ఎకరాల భూమిపై డీకేటీ పట్టాల పంపిణీ చేశారు. రూ.9,322 కోట్ల పెట్టుబడులతో పరిశ్రమల ప్రారంభం, ఏర్పాటుకు శంకుస్థాపనలు చేశారు. కుప్పంలో 80 వేల మందికి ఉద్యోగాల కల్పనే లక్ష్యంగా ఆయన ప్రకటించారు. ఇకపై యువకులు ఉద్యోగాల కోసం కుప్పం వైపు చూసే విధంగా పారిశ్రామిక అభివృద్ధి వేగవంతం చేస్తా" అని ముఖ్యమంత్రి నారా చంద్రబాబు ప్రకటించారు.

స్వర్ణకుప్పం ఆర్చి ప్రారంభించిన తరువాత, చిత్తూరు ఎంపీ డీ. ప్రసాదరావు, నాయకులతో సీఎం చంద్రబాబు