స్విగ్గి, జొమాటో సేవలు నిలిపివేస్తామని బెంగళూర్ హోటళ్ల హెచ్చరిక
వినియోగదారులు చెల్లించే వాటిలో సగం మాత్రమే తమకు చేరుతున్నాయని ఆందోళన
బెంగళూర్ ఆన్ లైన్ ఫుడ్ డెలవరీ దిగ్గజాలైన స్విగ్గి, జోమాటోలకు హోటల్ యజమనులు గట్టి హెచ్చరిక జారీ చేశారు. తమకు రావాల్సిన చెల్లింపులు పారదర్శకంగా లేవని, కస్టమర్లు చెల్లించే మొత్తంలో సగానికంటే తక్కువే తమకు అందుతోందని హోటల్ సంఘాలు ఆరోపిస్తున్నాయి. సమస్యలు పరిష్కరించకపోతే ఆగష్టు 15 నుంచి ఈ రెండు ప్లాట్ ఫాంలను బహిష్కరిస్తామని స్పష్టం చేశాయి.
హోటల్ సంఘాల నిర్ణయం..
బెంగళూర్ హోటల్ అసోసియేషన్, కర్ణాటక స్టేట్ హోటల్ అసోసియేషన్, నేషనల్ రెస్టారెంట్ అసోసియేషన్ ఆఫ్ ఇండియా, కర్ణాటక బేకరీ స్వీట్స్ అసోసియేషన్ తో పాటు పలు బార్, రెస్టారెంట్ సంఘాలు సమావేశమైన ఈ నిర్ణయం తీసుకున్నాయి.
బిల్లింగ్ లో పారదర్శకత లేకపోవడం, చెల్లింపులో వ్యత్యాసాలు వంటి సమస్యలు ఎన్నోసార్లు ప్రస్తావించిన కనిపించకపోవడంతో ఈ చర్యకు సిద్దమయినట్లు వెల్లడించాయి.‘ది ఫెడరల్ కర్ణాటక’ తో మాట్లాడిన బెంగళూర్ హోటల్ అసోసియేషన్ గౌరవ అధ్యక్షుడు పీసీ రావు.. శాశ్వత పరిష్కారం కోసం పలుమార్లు చర్చలు జరిపినా ఫలితం లేకపోవడంతో చివరి మార్గంగా బహిష్కరణ నిర్ణయం తీసుకున్నట్లు తెలిపారు.
స్విగ్గీ సేవా రుసుములు..
ప్రకటనలకు అతీతంగా, స్విగ్గీ చెల్లింపు స్టేట్మెంట్లలో తగ్గింపులను స్పష్టంగా విభజించడం లేదని హోటల్ యజమానులు అంటున్నారు. జీఎస్టీ, ప్రకటనల ఖర్చు, డిస్కౌంట్లు, ప్రచార రుసుములను కలిపివేయడం వల్ల లావాదేవీలను సరిపోల్చడం లేదా కచ్చితమైన ఆడిట్లు చేయడం కష్టంగా ఉంది. ప్రతి తగ్గింపును విడివిడిగా అంశాల వారీగా చూపించాలని వారు కోరుతున్నారు.
ఇప్పటికే వినియోగదారుల నుంచి వసూలు చేసి ప్రభుత్వానికి చెల్లించిన జీఎస్టీపై స్విగ్గీ సర్వీస్ ఫీజులు వసూలు చేస్తోందనే ఆరోపణ. ఈ అసంతృప్తికి ఇది మరింత ఆజ్యం పోస్తోంది. ఇది ఒకరకంగా పన్నుపై పన్ను విధించడం లాంటిది. ఈ అదనపు భారాన్ని రెస్టారెంట్లపై మోపుతున్నారు.
అత్యంత ముఖ్యమైన ఆరోపణ ఆర్థికపరమైనది. అన్ని కోతలు, అకౌంటింగ్ వ్యత్యాసాలు తీసివేసిన తర్వాత, ఒక కస్టమర్ వాస్తవంగా చెల్లించే మొత్తంలో 50 శాతం కంటే తక్కువ మాత్రమే రెస్టారెంట్కు చేరుతుందని హోటల్ యజమానులు అంటున్నారు. దీనివల్ల చిన్న, మధ్య తరహా అవుట్లెట్లు ఎక్కువగా దెబ్బతింటున్నాయని సంఘాలు చెబుతున్నాయి.
ఆగస్టు 15 గడువు..
తాము ఈ ఆందోళనలను స్విగ్గీతో పదేపదే ప్రస్తావించినప్పటికీ, క్షేత్రస్థాయిలో మార్పు తీసుకురాని వాగ్దానాలు మాత్రమే తమకు ఎదురయ్యాయని సంఘాలు చెబుతున్నాయి. కొనసాగుతున్న సమస్యలను పరిష్కరించడానికి గతంలో జరిగిన బిల్లింగ్ లోపాలను సరిదిద్దడానికి, ఆగస్టు 15 గడువును ఒక చివరి అవకాశంగా చివరి విడత చర్చలుగా పేర్కొంటున్నారు.
కొన్ని సందర్భాల్లో, లక్ష రూపాయల చెల్లింపులకు గాను రెస్టారెంట్లకు కేవలం రూ. 40,000-రూ. 50,000 మాత్రమే అందాయని, ఈ విషయాన్ని సంఘం కంపెనీతో పదేపదే ప్రస్తావించిందని ఆయన ఆరోపించారు. అప్పటిలోగా పరిస్థితి మారకపోతే, బెంగళూరు వ్యాప్తంగా ఉన్న సభ్య హోటళ్లు స్విగ్గీ ఆర్డర్లను పూర్తిగా నిలిపివేస్తాయని చెబుతున్నాయి.
ఏదైనా అంతరాయం ఏర్పడితే వినియోగదారులకు ముందుగానే తెలియజేస్తామని, సాధ్యమైన చోట ప్రత్యామ్నాయ ఆర్డరింగ్ ఎంపికల ద్వారా దాని ప్రభావాన్ని తగ్గించడానికి హోటల్ యజమానులు ప్రయత్నిస్తారని రావు చెప్పారు.
Next Story