‘‘అదో మతోన్మాద ముఠా, హిందూ యువతులే లక్ష్యం’’

ఐటీ దిగ్గజ సంస్థ టీసీఎస్ లో హిందూ యువతులే లక్ష్యంగా సాగిన లవ్ జిహాద్, లైంగిక వేధింపులు, మతమార్పిడి కేసులో కీలక విషయాలు వెలుగు చూస్తున్నాయి. ఇందులో ఏడుగురు ముస్లిం యువకులు, ఓ యువతి కీలక పాత్ర పోషించినట్లు పోలీసులు గుర్తించారు.

వీరంతా ఓ ముఠాగా ఏర్పడి పనిచేసినట్లు తెలుస్తోంది. ఈ ఆరోపణలకు సంబంధించి పోలీసులు తొమ్మిది మందిపై కేసులు నమోదు చేశారు. ఏడుగురు పురుషులు, ఒక మహిళను అరెస్టు చేయగా, ఒక మహిళా నిందితురాలు పరారీలో ఉన్నారు. ఆమె కోసం గాలింపు చర్యలు చేపట్టారు. ఇద్దరు మహిళా నిందితుల పాత్రను నాసిక్ పోలీస్ కమిషనర్ సందీప్ కార్నిక్ బుధవారం వెల్లడించారు.

ప్రధాన నిందితురాలు బాధితురాలిని ఫిర్యాదు చేయకుండా అడ్డుకున్నారని ఆరోపించారు. ఆపరేషన్స్ యూనిట్ హెచ్ఆర్ హెడ్ ఇలాంటివి సాధారణంగా జరుగుతుంటాయి అని చెబుతూ.. బాధితురాలిని ఫిర్యాదు చేయకుండా అడ్డుకున్నారని, నిందితులకు వత్తాసుపలికారని ఆరోపించారు. ఈ కేసులో మహిళా ఆపరేషన్స్ మేనేజర్ ను ఏప్రిల్ 28 వరకు జ్యుడీషియల్ కస్టడీలో ఉంచాలని నాసిక్ కోర్టు బుధవారం రిమాండ్ విధించింది.