గుజరాత్ దుమ్ము దులిపిన బెంగళూరు, చరిత్ర సృష్టించిన ఆర్సీబీ

ఐపీఎల్‌ (IPL) 2026లో రాయల్ ఛాలెంజర్స్ బెంగళూరు (Royal Challengers Bengaluru) దుమ్మురేపింది. వరుసగా రెండోసారి ఐపీఎల్ టైటిల్ ను గెలిచి చరిత్ర సృష్టించింది. 18 ఏళ్ల నిరీక్షణకు తెరదించుతూ ఆర్సీబీ 2025లో తొలిసారి టైటిల్ సాధించింది. గుజరాత్ టైటాన్స్ పై ఘన విజయాన్ని సాధించి ఐపీఎల్ లో తనకు ఎదురు లేదని నిరూపించింది. తొలుత బ్యాటింగ్ చేసిన గుజరాత్ 20 ఓవర్లలో 155 పరుగులు చేసింది. 156 పరుగుల లక్ష్యంతో బరిలోకి దిగిన బెంగళూరు జట్టు ఓపెనర్లు వెంకటేశ్ అయ్యర్, విరాట్ కోహ్లీ బాగానే రాణించారు. లక్ష్యఛేదనలో ఆర్సీబీ ఏమాత్రం తడబడలేదు. కేవలం 7 ఓవర్లలోనే 81 పరుగులు చేసింది.

18 ఏళ్ల నిరీక్షణకు తెరదించుతూ 2025లో తొలిసారి ఐపీఎల్ ట్రోఫీని ముద్దాడిన రాయల్ ఛాలెంజర్స్ బెంగళూరు (RCB).. 2026లోనూ అదే జోరును కొనసాగించింది. పసిడి కప్‌ను తనవద్దే అపురూపంగా దాచుకుంటూ 'బ్యాక్ టు బ్యాక్' టైటిల్స్‌తో లీగ్‌లో తనకు ఎదురులేదని నిరూపించింది. హోరాహోరీగా సాగిన ఫైనల్ పోరులో గుజరాత్ టైటాన్స్ (GT) పై ఘన విజయం సాధించి, డిఫెండింగ్ ఛాంపియన్‌గా సగర్వంగా నిలిచింది.

156 పరుగుల లక్ష్యంతో బరిలోకి దిగిన బెంగళూరు జట్టు.. ఓపెనర్లు విరాట్ కోహ్లీ, వెంకటేశ్ అయ్యర్ వీరోచిత బ్యాటింగ్‌తో లక్ష్యఛేదనలో ఏమాత్రం తడబడకుండా విజయం వైపు దూసుకెళ్లింది.

టాస్ ఓడి తొలుత బ్యాటింగ్‌కు దిగిన గుజరాత్ టైటాన్స్‌కు ఆర్సీబీ బౌలర్లు చుక్కలు చూపించారు. తొలి రెండు ఓవర్లలో ఇన్నింగ్స్ సాఫీగానే సాగినా.. ఆ తర్వాత బెంగళూరు బౌలర్లు మ్యాచ్‌ను తమ నియంత్రణలోకి తెచ్చుకున్నారు.

ఆరంభంలోనే షాక్: జోష్ హేజిల్‌వుడ్ తన తొలి ఓవర్‌లోనే ప్రమాదకరమైన శుభ్‌మన్ గిల్ (10)ను వెనక్కి పంపాడు. ఆ వెంటనే భువనేశ్వర్ కుమార్ బౌలింగ్‌లో సాయి సుదర్శన్ (12) భారీ షాట్‌కు యత్నించి వికెట్‌కీపర్ జితేశ్‌కు చిక్కాడు.

మిడిల్ ఆర్డర్ విఫలం: జోస్ బట్లర్ (19), నిశాంత్ సింధు (20) ఇన్నింగ్స్‌ను చక్కదిద్దే ప్రయత్నం చేసినా.. రసిఖ్ సలామ్ ఎనిమిదో ఓవర్లో నిశాంత్‌ను ఔట్ చేయడంతో గుజరాత్ వేగం తగ్గింది. 9 నుంచి 12 ఓవర్ల మధ్య కేవలం 18 పరుగులు మాత్రమే వచ్చాయి.

రసిఖ్ సలామ్ మాయాజాలం: ఒత్తిడిలో ఉన్న బట్లర్‌ను కృనాల్ పాండ్య స్టంపౌట్ చేయగా.. అర్షద్ ఖాన్ (15)ను హేజిల్‌వుడ్ అవుట్ చేశాడు. దీంతో గుజరాత్ 14.1 ఓవర్లలో 99/5తో తీవ్ర కష్టాల్లో పడింది. రాహుల్ తెవాతియా (7) సైతం నిరాశపరిచాడు.

వాషింగ్టన్ సుందర్ హాఫ్ సెంచరీ: ఒకవైపు వికెట్లు పడుతున్నా.. వాషింగ్టన్ సుందర్ (50*; 37 బంతుల్లో) అర్ధ శతకంతో ఒంటరి పోరాటం చేసి జట్టుకు గౌరవప్రదమైన స్కోరు అందించాడు. చివరి 3 ఓవర్లలో గుజరాత్ 34 పరుగులు చేసి 2 వికెట్లు కోల్పోవడంతో నిర్ణీత 20 ఓవర్లలో 8 వికెట్ల నష్టానికి 155 పరుగులు చేసింది.

ఆర్సీబీ బౌలింగ్ ప్రదర్శన:

రసిఖ్ సలామ్ అద్భుతంగా బౌలింగ్ చేసి 3 వికెట్లు పడగొట్టగా.. జోష్‌ హేజిల్‌వుడ్ 2, భువనేశ్వర్ కుమార్ 2, కృనాల్ పాండ్య ఒక వికెట్ సాధించారు.

ఆర్సీబీ ఛేదన: ఓపెనర్ల 'ఫోర్‌'పెక్ట్ విధ్వంసం

156 పరుగుల లక్ష్యంతో బరిలోకి దిగిన రాయల్ ఛాలెంజర్స్ బెంగళూరుకు ఓపెనర్లు వెంకటేశ్ అయ్యర్, విరాట్ కోహ్లీ అదిరిపోయే ఆరంభాన్ని ఇచ్చారు. గుజరాత్ బౌలర్లను ముప్పుతిప్పలు పెడుతూ ఫోర్లు, సిక్సర్ల వర్షం కురిపించారు.

రెండో ఓవర్లోనే రబాడాకు చుక్కలు (2 ఓవర్లకు 23/0):

కగిసో రబాడా వేసిన రెండో ఓవర్లో వెంకటేశ్ అయ్యర్ రెచ్చిపోయాడు. 4..0..6..4..0..4 స్కోరుతో ఒకే ఓవర్లో ఏకంగా 18 పరుగులు పిండుకున్నాడు. ఆ సమయానికి అయ్యర్ 22 పరుగులతో, కోహ్లీ 0 పరుగులతో క్రీజులో ఉన్నారు.

సిరాజ్ ఓవర్లో కోహ్లీ 'ఫోర్‌'పెక్ట్ షాట్స్ (3 ఓవర్లకు 36/0):

మహ్మద్ సిరాజ్ వేసిన మూడో ఓవర్లో విరాట్ కోహ్లీ తన క్లాస్ చూపించాడు. 2.1 బంతికి ఫోర్‌తో ఖాతా తెరిచిన కింగ్ కోహ్లీ.. మూడో బంతికి మరో క్లాసిక్ ఫోర్ బాదాడు. అదే ఓవర్ ఐదో బంతికి వెంకటేశ్ అయ్యర్ కూడా ఫోర్ కొట్టడంతో ఈ ఓవర్లో 13 పరుగులు వచ్చాయి. 3 ఓవర్లు ముగిసేసరికి ఆర్సీబీ వికెట్ నష్టపోకుండా 36 పరుగులు చేసింది (అయ్యర్ 26, కోహ్లీ 9).

ఈ రేంజ్ పవర్‌ప్లే హిట్టింగ్‌తో గుజరాత్ బౌలింగ్ లైనప్‌ను ఆర్సీబీ ఓపెనర్లు పూర్తిగా ఒత్తిడిలోకి నెట్టేసారు. ఈ ఘన విజయంతో రాయల్ ఛాలెంజర్స్ బెంగళూరు వరుసగా రెండో ఏడాది ఐపీఎల్ కిరీటాన్ని కైవసం చేసుకుని లీగ్‌లోనే మోస్ట్ సక్సెస్‌ఫుల్ టీమ్స్‌లో ఒకటిగా నిలిచింది.