రాయలసీమ వెనుక చంద్రబాబు వ్యూహం ఏంటి

ఈ బలమైన ఓటు బ్యాంక్‌ను, జగన్ ప్రాభల్యాన్ని దెబ్బతీసే వ్యూహంలో భాగంగానే, చంద్రబాబు నాయుడు ప్రత్యర్థి పార్టీని లక్ష్యంగా చేసుకుని ‘గొడ్డలి పార్టీ’ అంటూ విమర్శలు గుప్పిస్తున్నట్లు రాజకీయ వర్గాలు విశ్లేషిస్తున్నాయి. జగన్‌పై ఫ్యాక్షనిస్టు అనే ముద్రను బలంగా వేయడం ద్వారా, ఆయనకున్న ప్రజాదరణను తగ్గించవచ్చనే వ్యూహాత్మక ప్రచారం నడుస్తోందని, తద్వారా రాయలసీమ ఓటర్లలో ఆలోచన రేకెత్తించే ప్రయత్నం జరుగుతోందని భావిస్తున్నారు.

రాజకీయ వ్యూహకర్తల అభిప్రాయం ప్రకారం, ప్రత్యర్థికి అత్యంత బలమైన కోటగా ఉన్న రాయలసీమలోనే జగన్‌ను, వైసీపీని రాజకీయంగా అణచివేయగలిగితే, వారి సొంత గడ్డపైనే నైతిక స్థైర్యాన్ని దెబ్బతీసినట్లవుతుందని చంద్రబాబు భావిస్తున్నట్లు తెలుస్తోంది. రాయలసీమలో పట్టు కోల్పోతే, రాష్ట్రంలోని మిగిలిన ప్రాంతాలలో కూడా జగన్ ప్రాభల్యం, వైసీపీ పట్టు పూర్తిగా బలహీనపడిపోతుందనే దీర్ఘకాలిక రాజకీయ వ్యూహంతోనే చంద్రబాబు నాయుడు రాయలసీమను తన ప్రధాన యుద్ధక్షేత్రంగా ఎంచుకున్నారని విశ్లేషకులు అభిప్రాయపడుతున్నారు.