ఏపీ స్థానిక ఎన్నికలు.. హీటెక్కుతున్న రాజకీయం

గత వైసీపీ ప్రభుత్వ హయాంలో జరిగిన స్థానిక ఎన్నికల్లో రికార్డు స్థాయిలో ఏకగ్రీవాలు జరిగాయి. అప్పట్లో అధికార పార్టీ నేతలు భౌతిక దాడులు, బెదిరింపులకు పాల్పడి, తమ అభ్యర్థుల నామినేషన్ పత్రాలను లాక్కున్నారని నాటి ప్రతిపక్షాలైన టీడీపీ, జనసేనలు రాష్ట్ర ఎన్నికల సంఘానికి పెద్ద ఎత్తున ఫిర్యాదులు చేశాయి. అయితే ఇప్పుడు కూటమి ప్రభుత్వం అధికారంలో ఉండటంతో, రాబోయే ఎన్నికల్లో మెజారిటీ స్థానాలను ఏకగ్రీవం చేసుకోవాలనే ఆలోచనలో వారు ఉన్నట్లు తెలుస్తోంది. ఈ వ్యూహాన్ని తిప్పికొట్టేందుకు వైసీపీ పట్టుదలతో ఉంది. ప్రతి స్థానంలోనూ తమ అభ్యర్థులతో కచ్చితంగా నామినేషన్లు వేయించాలని, అక్రమ ఏకగ్రీవాలను అడ్డుకోవడానికి అవసరమైతే హైకోర్టు, సుప్రీంకోర్టుల వరకు న్యాయపోరాటం చేయాలని జగన్ తన శ్రేణులను సమాయత్తం చేస్తున్నారు.