‘‘ఆ పార్టీ పెట్టడం మాకు ఇష్టం లేదు’’

బొద్దింకల జనతా పార్టీ అని పేరుతో సోషల్ మీడియాలో హడావుడి చేస్తున్న సంగతిపై దాని వ్యవస్థాపకుడు అభిజిత్ దీప్కే తల్లిదండ్రులు ఆందోళన వ్యక్తం చేశారు. ఈ పరిణామాల వల్ల తమ కుమారుడు ఇబ్బందుల్లో పడతాడేమో అని వారు భయపడుతున్నారు.

మహారాష్ట్రలోని ఛత్రపతి సంభాజీనగర్‌లో నివసిస్తున్న భగవాన్, అనితా దీప్కేలు ఒక మరాఠీ న్యూస్ ఛానల్‌తో మాట్లాడుతూ, తమ కుమారుడు రాజకీయాల్లోకి రావడం తమకు ఇష్టం లేదని చెప్పారు. అతని తాజా రాజకీయ ఐడియా గురించి తెలిసినప్పటి నుంచి తాము తీవ్ర ఆందోళనలో ఉన్నామని వారు చెప్పినట్లు పీటీఐ వార్తా సంస్థ నివేదించింది.