అందుకే గవర్నర్ ఆసుపత్రి నుంచి వెళ్లి పోయారా

ఆసుపత్రిలో వైద్యులు ఆయనకు అత్యవసర చికిత్స అందించి, వివిధ రకాల పరీక్షలు నిర్వహించారు. ఈ పరీక్షల్లో గవర్నర్ కిడ్నీలో రాళ్లు (Kidney Stones) ఉన్నట్లు నిర్ధారణ అయ్యింది. దీనివల్లే ఆయనకు తీవ్రమైన కడుపు నొప్పి వచ్చిందని వైద్యులు వెల్లడించారు. వెంటనే శస్త్రచికిత్స ద్వారా వాటిని తొలగించాలని వైద్యులు సూచించారు.

ప్రస్తుతం గవర్నర్ ఆరోగ్యం నిలకడగానే ఉంది. అయితే, ఈరోజు కొన్ని ముఖ్యమైన అధికారిక కార్యక్రమాలు ఉండటంతో, ఆయన చికిత్స అనంతరం ఆసుపత్రి నుంచి డిశ్చార్జ్ అయ్యి రాజ్‌భవన్‌కు చేరుకున్నారు. ఇవాళ జరగాల్సిన పనులను పూర్తి చేసుకున్న తర్వాత, మరోసారి ఆసుపత్రికి వచ్చి శస్త్రచికిత్స చేయించుకుంటానని ఆయన వైద్యులకు తెలిపినట్లు సమాచారం.

నేడు ఏపీ హైకోర్టు నూతన ప్రధాన న్యాయమూర్తిగా జస్టిస్ లీసా గిల్ ప్రమాణ స్వీకారం చేయాల్సి ఉంది. గవర్నర్ చేతుల మీదుగా ఈ కార్యక్రమం జరగాల్సి ఉండటంతో, ఆయన అస్వస్థత వార్త రాజకీయ, న్యాయ వర్గాల్లో చర్చనీయాంశంగా మారింది. అయితే ఆయన రాజ్‌భవన్‌కు చేరుకోవడంతో ఈ కార్యక్రమం యథావిధిగా జరిగే అవకాశం కనిపిస్తోంది.