చీకటిలో విరిసిన చిరునవ్వులు.. రాత్రికి రాత్రే వెలుగు...

శ్రీకాళహస్తి నియోజవర్గంలోని పిల్లమేడు పంచాయతీలో 35 గిరిజన కుటుంబాలు ఉన్నాయి. వారిలో కొందరికి ఇంటి పట్టాలు ఉన్నా, పక్కా ఇళ్లు లేవు. కాలనీలో విద్యుత్ స్తంభాలు దిష్టిబొమ్మల్లా మారాయి. ఏడు స్తంభాలు ఉంటే, ఒక లైటు మాత్రమే మినుకుమినుకు మనేది. ఈ పరిస్థితుల్లో

పేట చంద్రశేఖర్, పేట చిరంజీవి సోదరులు సుమారు 50 మంది తమ మిత్రులతో జట్టుగా గిరిజన కాలనీలను సందర్శించడం ప్రారంభించారు. పేట చిరంజీవి ఏమంటారంటే..

"అన్నీ ఉన్న వారికి ఇబ్బంది లేదు. నిర్లక్ష్యానికి గురవుతున్న వారిని పలకరించాలని అనుకున్నాం. గిరిజనులు చాలా అమాయకులు అందుకే ఆ కాలనీలను ఎంచుకున్నాం" అని పేట చిరంజీవి చెప్పారు. కాలనీలో సందర్శనలో ఉన్న మా బృందానికి పిల్లమేడు గిరిజనుల సమస్యలు తెలుసుకుకోవాలని అనుకుని వెళ్లామని ఆయన చెప్పారు. అక్కడి సమస్య చూశాక చాలా బాధ వేసింది. మేము చేసిన ప్రయత్నానికి అధికారుల సహకారం లభించింది. దీంతో ఒక్క రాత్రిలోనే వీధిదీపాలు వెలగడానికి ఆస్కారం కలిగిందని ఆయన వివరించారు.