ఇక కలెక్టర్లకు ర్యాంకులు

రాష్ట్రంలో పాలనను పరుగులు పెట్టించేందుకు ఆంధ్రప్రదేశ్ ప్రభుత్వం మరోసారి జిల్లా కలెక్టర్ల సదస్సుకు శ్రీకారం చుట్టింది. ఈ నెల 7, 8 తేదీల్లో సచివాలయం కేంద్రంగా జరగనున్న ఈ సమావేశం కేవలం సాధారణ చర్చలకే పరిమితం కాకుండా, జిల్లాల వారీగా ర్యాంకులను ప్రకటించనుండటం ఇప్పుడు అధికార యంత్రాంగంలో పెను సంచలనంగా మారింది. పాలనా దక్షత, అభివృద్ధి పనుల వేగం, రెవెన్యూ నిర్వహణలో కలెక్టర్ల పనితీరును బేరీజు వేసి, ఏ జిల్లా ఎక్కడ ఉందో తేల్చి చెప్పేందుకు ప్రభుత్వం ప్రోగ్రెస్ కార్డ్ సిద్ధం చేసింది. ఈ పాలనా పరీక్షలో ఏ జిల్లా టాపర్‌గా నిలుస్తుంది? ఏ జిల్లా వెనుకబడి ఉంది? అనే అంశం ఇప్పుడు ఐఏఎస్ వర్గాల్లో హాట్ టాపిక్‌గా మారింది.