ఇదేంట్రా నాయనా, ఇట్లా కొన్నారు వెంకన్న డాలర్లు!

వెంకన్న.. కలియుగ దైవం.. ఆయన పేరిట డాలర్లు అంటే మాటలా.. అదీ అక్షయ తృతీయ నాడు.. జనం ఎగబడ్డారంటే నమ్మండి.. మాములుగా అక్షయ తృతీయ అంటేనే బంగారం, వెండి వస్తువులకు ఉండే క్రేజ్ అలాంటిది మరి. ధరలు ఆకాశాన్ని తాకుతున్నా సరే, ఆ సెంటిమెంట్ ముందు అవేవీ అడ్డుకాదని తిరుమల భక్తులు మరోసారి నిరూపించారు. ఈ ఏడాది విక్రయాలు గత రికార్డులను కూడా దాటేసినట్టు కనిపిస్తున్నాయి.

ఆదివారం మధ్యాహ్నం నుంచి సోమవారం మధ్యాహ్నం వరకు (అక్షయ తృతీయ గడియల్లో) భక్తులు పోటెత్తారు. ఆదివారం నాడు రూ. 70 లక్షలు, సోమవారం రూ. 40 లక్షలు వరకు బంగారు, వెండి డాలర్లు అమ్మారు. రెండు రోజుల్లో కలిపి రూ. 1.10 కోట్లు విలువైన డాలర్లు అమ్ముడయ్యాయి. గత ఏడాదితో పోలిస్తే ఇది సుమారు 20 లక్షలు ఎక్కువ. గతేడాది సుమారు రూ. 90 లక్షల విక్రయాలు జరిగితే, ఈసారి అది కోటి దాటిపోవడం విశేషం.