అన్నవరం దేవాలయ ఈఓ పదవిలో ఏమిటి ఈ FAC అమరిక!

ఆధికారిక ఉత్తర్వులో స్పష్టంగా ఇలా ఉంది. “N.S. చక్రధరరావు, DC & EO, శ్రీ వెంకటేశ్వర స్వామి వారి దేవస్థానం, వాడపల్లి… శ్రీ వీర వెంకట సత్యనారాయణ స్వామి వారి దేవస్థానం, అన్నవరం EO పోస్టుకు FACగా కొనసాగించాలి. RJC-I నుంచి FAC తొలగించాలి.” ఇదే ఉత్తర్వులో స్పష్టం. మరో FAC అమరిక కూడా ఉంది. V. త్రినాధరావు (RJC-I) గారిని ద్వారక తిరుమల శ్రీ వెంకటేశ్వర స్వామి వారి దేవాలయ JC & EO పోస్టుకు FACగా నియమించారు.

అయితే ప్రశ్న ఇక్కడే ఉంది…

అన్నవరం దేవాలయం రాష్ట్రంలోనే అత్యంత ప్రముఖమైన, ఆర్థికంగా బలమైన ఆలయాల్లో ఒకటి. ఇక్కడి EO పదవి అంత సాధారణమైనది కాదు. కానీ చక్రధరరావు నియామకం విషయంలో అర్హతలు, ప్రమోషన్ ప్రక్రియలు పక్కన పెట్టినట్లు కొన్ని వర్గాలు ఆరోపిస్తున్నాయి.

DPC లో రెండుసార్లు తిరస్కరణ, చక్రధరరావు JC క్యాడరా? కాదు...!

ఇంకా సాధారణ అర్హతలు కూడా లేనప్పటికీ FAC ద్వారా అన్నవరం వంటి కీలక పదవి అప్పగించడం ఎందుకు?

ఈ నియామకం ద్వారా రీజనల్ జాయింట్ కమిషనర్ (RJC-I) నుంచి FAC తొలగించి, చక్రధరరావు కు అప్పగించడం ఎండోమెంట్స్ శాఖలోని సాధారణ ప్రమోషన్ నిబంధనలకు విరుద్ధంగా ఉందని విమర్శకులు అంటున్నారు. ఇప్పటికే శాఖలో ఉన్నత స్థాయి అధికారులు కూడా ఈ అమరికపై అసంతృప్తి వ్యక్తం చేస్తున్నారు.

ఈ ఉత్తర్వుపై కమిషనర్ ఆఫ్ ఎండోమెంట్స్ (FAC), ఏపీ ఇంకా తదుపరి చర్యలు తీసుకోవాల్సి ఉంది. ప్రస్తుతం రెగ్యులర్ అమరికలు జరగనంతవరకు ఈ FAC అమరికలు కొనసాగనున్నాయి.

ఎండోమెంట్స్ శాఖలో మరోసారి ‘FAC కల్చర్’?

గత కొన్ని సంవత్సరాలుగా ఎండోమెంట్స్ డిపార్ట్‌మెంట్‌లో FAC అమరికలు సాధారణమవుతున్నాయి. కానీ అర్హులైన అధికారులను కాకుండా, DPCలో తిరస్కరించిన వారికి కీలక ఆలయాల బాధ్యతలు అప్పగించడం శాఖ సమగ్రతపైనే ప్రశ్నలు లేవనెత్తుతోంది. అన్నవరం వంటి పుణ్యక్షేత్రాల నిర్వహణ, ఆదాయ నిర్వహణ, భక్తుల సౌకర్యాలు ఇవన్నీ కీలకం కాగా, అర్హతలు పక్కనపెట్టి జరుగుతున్న నియామకాలు ఎంతవరకు సమంజసం?

ప్రభుత్వం ఈ విషయంపై స్పష్టమైన వివరణ ఇవ్వాలని ఎండోమెంట్స్ శాఖ సీనియర్ అధికారులు, భక్తులు, సేవా సంఘాలు డిమాండ్ చేస్తున్నారు. ఈ కథనం కేవలం ఉత్తర్వు వివరాలు మాత్రమే కాదు, శాఖలో నియమ నిబంధనలు, అర్హతలు ఎంతవరకు పాటిస్తున్నారన్న ప్రశ్నకు ప్రతిబింబం.