ఆస్తులు దానం చేసింది నేను కాదురా సామీ!

సీపీఐ నారాయణ అనగానే సంచలనాలు గుర్తుకువస్తాయి.. చికెన్ తినడం నుంచి ఆస్తుల వ్యవహారం వరకు ఆయనవి అన్నీ సంచలనాలే. ఇటీవల మరో సంచలనం సోషల్ మీడియాలో వైరల్ అయింది - “నారాయణ తన ఆస్తులను దానం చేశారు” అనే వార్త.

ఈ వార్త వెనుక నిజం భిన్నంగా ఉంది. కడపకు చెందిన వృద్ధ దంపతులు మాచిరెడ్డి సంజీవమ్మ దంపతులు తమ ఆస్తులను దానం చేశారు. వారు నిర్మించిన వృద్ధాశ్రమంతో పాటు సుమారు మూడు కోట్ల రూపాయల ఆస్తులను CR Foundationకు అప్పగించారు.

దంపతులు రిటైర్డ్ అయిన తర్వాత సమాజానికి ఏదైనా మంచి పని చేయాలని నిర్ణయించుకున్నారు. CR Foundation వృద్ధుల కోసం నిబద్ధతతో పని చేస్తున్న సంస్థ కావడంతో దానికి తమ ఆస్తులను విలీనం చేయాలని నిర్ణయించారు. ఈ విషయాన్ని సీపీఐ నారాయణకు తెలియజేశారు.

కడపలో ఏర్పాటు చేసిన ప్రెస్ కాన్ఫరెన్స్‌లో సంజీవమ్మ గారు తమ ఆస్తుల వివరాలు చెప్పారు. “మేము కష్టపడి సంపాదించిన ఆస్తులను సమాజానికి సమర్పించాలనుకున్నాం. CR Foundation దీన్ని సక్రమంగా నడపగలదని నమ్మాం” అని వారు తెలిపారు.

ప్రెస్ మీట్ ఫోటోలో సంజీవమ్మ ఫోటోను తీసేసి, నారాయణ భార్య వసుంధర (మరణించిన నాలుగేళ్ల క్రితం) ఫోటోను ఎడిట్ చేసి పెట్టి, “నారాయణ తన ఆస్తులు దానం చేశారు” అని వైరల్ చేశారు. ఇది వేగంగా వ్యాపించింది.

నారాయణ స్పష్టం చేశారు: “నేను నా ఆస్తులు దానం చేయలేదు. ఆస్తులు ఉన్నాయి కానీ దానం చేసే స్థితిలో లేవు. ఈ దానం మాచిరెడ్డి సంజీవమ్మ దంపతులు చేశారు. వారిని అభినందించాలి. అతి ప్రేమతో కొందరు దుష్ప్రచారం చేశారు.”

అయన “నిజం గడప దాటకముందే అసత్యం ప్రపంచం చుట్టూ వచ్చేస్తుంది” అని సామెతను ఉదహరించారు.