అనంతపురం: అరటి రైతులను దెబ్బతీసిన ప్రకృతి వైపరీత్యం

సూపర్ ఎల్ నినో ప్రభావంతో పంటలు కాపాడుకోవడం రైతులకు తీవ్ర కష్టంగా ఉంది. ఈ పరిస్థితుల్లో గురువారం మధ్యాహ్నం కురిసిన వర్షం, రాత్రి వీచిన గాలుల వల్ల అరటి తోటల రైతులు తీవ్రంగా నష్టపోయారు.

ఆత్మకూరు మండలం సనప గ్రామంలో రైతులు సాగు చేస్తున్న అరటి తోటలు గాలుల ధాటికి నేల కొరిగాయి. పంట చేతికందే సమయంలో ప్రకృతి వైపరీత్యం సంభవించడంతో రైతులు తీవ్ర ఆవేదన వ్యక్తం చేస్తున్నారు. దెబ్బతిన్న అరటి తోటలను రాప్తాడు వైసీపీ మాజీ ఎమ్మెల్యే తోపుదుర్తి ప్రకాష్ రెడ్డి శుక్రవారం పరిశీలించారు.

ఆశలు గాలికి కొట్టుకుపోయాయి...

"ఎకరా విస్తీర్ణంలో అరటి తోటలు సాగు చేయడానికి సుమారు రూ.లక్ష వరకు పెట్టుబడి పెట్టాం. విత్తనాలు, ఎరువులు, పురుగుమందులు, కూలీల ఖర్చులు" నష్టం పోయామని బాధిత రైతులు ఆందోళన చెందుతున్నారు.