రాష్ట్రంలో 7 వేల డ్రగ్స్ కేసులు: డీజీపీ

ఆంధ్రప్రదేశ్ రాష్ట్రంలో మాదకద్రవ్యాల మహమ్మారిని కూకటివేళ్లతో తొలగించేందుకు ప్రభుత్వం సిద్ధమైంది. శనివారం మంగళగిరిలో అత్యున్నత స్థాయి మాదకద్రవ్య వ్యతిరేక విభాగం ఈగల్ (Elite Anti-Narcotics Group for Law Enforcement) ప్రధాన కార్యాలయాన్ని డీజీపీ హరీశ్ కుమార్ గుప్తా ప్రారంభించారు. ఈ సందర్భంగా ఆయన మాట్లాడుతూ.. రాష్ట్రంలో ప్రస్తుతం సుమారు 7,000 డ్రగ్స్ కేసులు విచారణ దశలో ఉన్నాయని సంచలన గణాంకాలను వెల్లడించారు. ఈ కేసులను వేగంగా కొలిక్కి తీసుకురావడానికి రాష్ట్రవ్యాప్తంగా మరో 13 కొత్త ఎన్‌డీపీఎస్ (NDPS) కోర్టుల ఏర్పాటుకు ప్రతిపాదనలు సిద్ధం చేసినట్లు ఆయన స్పష్టం చేశారు.