నిప్పులు చిమ్ముతూ.. నింగి నుంచి నేలకు: ఆ నలుగురు భూమికి ఎలా వస్తారంటే?

ఫ్లోరిడాలోని నాసా అంతరిక్ష కేంద్రం నుంచి ఏప్రిల్ 1న ఎగిరిన ఆర్టిమిస్-2 అంతరిక్ష ఉపగ్రహం చంద్రుడి చుట్టూ తిరిగి ఇంటి ముఖం పట్టింది. పది రోజుల పర్యటన పూర్తి చేసుకుని భారతీయ కాలమానం ప్రకారం ఏప్రిల్ 11 తెల్లవారుజామున 5.35 గంటల ప్రాంతంలో శాండియాగోలోని పసిఫిక్ మహాసముద్రంలో దిగనుంది. ఇప్పుడు ఆర్టిమిస్-2లోని ఆ నలుగురు వ్యోమగాములు భూమి పైన ఎలా దిగుతారన్నది అత్యంత ఆసక్తిదాయం, ఉత్కంఠభరితం. ఏ మాత్రం అజాగ్రత్త వహించినా జరిగే నష్టం అపారం. అందువల్లే ఈ ప్రక్రియను వందలాది మంది శాస్త్రవేత్తలు, సిబ్బంది పర్యవేక్షిస్తుంటారు. పైకి వెళ్లడం ఎంత కష్టమో దిగడం అంతకన్నా క్లిష్టతరమైన ప్రక్రియ.

అదెలా ఉంటుందో చూద్దాం.. నాసా "ఓరియన్" (Orion) స్పేస్‌క్రాఫ్ట్ మాడ్యూల్ ఇది. ఈ మిషన్ పేరు ఆర్టిమిస్. చంద్రుడిపైన మనిషి ఉండే పరిస్థితి ఉందో లేదో పరిశీలించడం దీని ఉద్దేశం. ఇప్పుడు జరిగింది రెండో ప్రయోగం కనుక దీన్ని ఆర్టిమిస్ 2 అన్నారు. ఈ మిషన్‌లో నలుగురు వ్యోమగాములు — రీడ్ వైస్‌మన్, విక్టర్ గ్లోవర్, క్రిస్టీనా కోచ్, జెరెమీ హాన్సెన్- పరిశోధనకు వెళ్లారు. పది రోజుల తర్వాత వీళ్లు తిరిగి వస్తున్నారు. 5 దశల్లో వీళ్లు భూమిపైన దిగుతారు.