చంద్రబాబు, పవన్ కల్యాణ్ లను వెంటాడుతున్న బీజేపీ భయం

ఈ అంతర్గత భయం, భవిష్యత్ రాజకీయ మనుగడ కోసమే చంద్రబాబు నాయుడు తన దశాబ్దాల నాటి రాజకీయ శైలిని పూర్తిగా మార్చుకున్నారు. గతంలో కేంద్ర ప్రభుత్వాలతో ఘర్షణ పడిన అనుభవాలను దృష్టిలో ఉంచుకుని, లొంగి ఉన్నట్లు వ్యవహరిస్తున్నారు. ఎంతలా అంటే, తన సొంత బ్రాండ్ అయిన జై తెలుగుదేశం నినాదాన్ని పక్కన పెట్టి, బహిరంగ సభల్లో ప్రధాని మోదీ తరహాలో భారత్ మాతాకీ జై అంటూ జాతీయవాద నినాదాలను స్వయంగా జనం చేత పలికిస్తున్నారు. ఇది కేవలం కేంద్రం నుండి నిధులు రాబట్టడానికే కాదు, బీజేపీకి ఏపీలో దూకుడు పెంచే అవకాశం ఇవ్వకుండా, తానే వారి ఐడియాలజీని ఓటర్లలోకి తీసుకెళ్తున్నట్లు చూపే ఒక ముందస్తు రక్షణాత్మక వ్యూహం.

మరోవైపు, పవన్ కళ్యాణ్ కూడా ఇదే బీజేపీ భయం జాతీయ వ్యూహాన్ని గమనించి తనదైన శైలిలో అడుగులు వేస్తున్నారు. ఏపీలో బీజేపీ బలపడితే తన జనసేన ఓటు బ్యాంక్ కొట్టుకుపోతుందనే అంచనాతో, ఆయన రక్షణ కోసం నేరుగా జాతీయ రాజకీయాల వైపే చూపులు సారిస్తున్నారు. ఆర్ఎస్ఎస్-బీజేపీల తరహాలోనే తన పార్టీని క్రమశిక్షణ గల జాతీయ దృక్పథం ఉన్న ప్రాంతీయ పార్టీగా మార్చే ప్రయత్నాలు ఇందులో భాగమే. కేంద్ర మంత్రివర్గ విస్తరణలో భాగస్వామి కావడం ద్వారా ఢిల్లీ స్థాయిలో తన పట్టును నిలుపుకోవాలని, తద్వారా రాష్ట్రంలో బీజేపీ ఒంటరిగా తమను మింగేయకుండా చూసుకోవాలని పవన్ భావిస్తున్నారు. మొత్తంగా, పైకి ముగ్గురు మిత్రులుగా కనిపిస్తున్నా, 2029 నాటి ఆపరేషన్ ఏపీ కింద బీజేపీ ఎక్కడ తమను కకావికలం చేస్తుందోననే భయంతోనే బాబు, పవన్ ఇద్దరూ జాతీయవాద ముసుగును గట్టిగా ఆశ్రయిస్తున్నారు.