మీవాడంటే మీవాడు?

ఏపీలో ప్రస్తుతం ఈ రాజకీయ బురదజల్లుడు మమూలుగా మరిపోయింది. భారతీయ సంస్కృతిని, హిందూత్వాన్ని కించపరిచేలా మాట్లాడిన ప్రశ్న రావణ్‌ను సమర్థించడం ఎంతమాత్రం సరికాదని, అది హిందూత్వంపై జరిగే దాడిగానే భావించాల్సి ఉంటుందని మాజీ రాజ్యసభ ఎంపీ విజయసాయిరెడ్డి సంచలన వ్యాఖ్యలు చేశారు. సమాజంలో ఇలాంటి విద్వేషాలు నింపే వారిని వెలివేయాలని పిలుపునిస్తూ, అతని వెనుక ఎవరున్నారో ఆలోచించాలంటూ ట్వీట్ చేశారు. అయితే, రాజకీయ పార్టీలన్నీ ఈ అరెస్ట్ ఎపిసోడ్‌ను వాడుకుంటూ ఒకరిపై ఒకరు బురద చల్లుకుంటున్న తరుణంలో, ప్రశ్న రావణ్ భార్య ఇది వరకే అసలు క్లారిటీ ఇచ్చారు. తన భర్త ఏ రాజకీయ పార్టీకి చెందిన వ్యక్తి కాదని, ఏ పార్టీ అజెండా కోసమో ఆయన పని చేయడం లేదని ఆమె స్పష్టం చేశారు. కేవలం సమాజంలో ఉన్న సమస్యలపై మాత్రమే ఆయన ప్రశ్నిస్తున్నారని, తమ పొలిటికల్ మైలేజ్ కోసం తమ కుటుంబానికి రాజకీయ రంగులు పూయవద్దని ఆమె నెత్తీనోరూ బాదుకున్నారు. ఒకవైపు భర్త ఏ పార్టీ వాడు కాదని భార్య బహిరంగంగా ప్రకటిస్తున్నప్పటికీ... ఇరు పార్టీల నేతలు మాత్రం రావణ్ మీవాడంటే మీవాడు అంటూ ఒకరిపై ఒకరు ఆరోపణలు చేసుకుంటూ ఏపీ రాజకీయాలను హీటెక్కిస్తున్నారు.