పవన్ ఢిల్లీ సభ: సమైక్యత ప్రస్థానమా? పొలిటికల్ స్క్రిప్టా?

దేశ రాజధాని ఢిల్లీ వేదికగా జనసేన పార్టీ 12 ఏళ్ల ప్రస్థానాన్ని పురస్కరించుకుని నిర్వహించిన ఈ సమావేశం, పవన్ కళ్యాణ్‌కు జాతీయ స్థాయిలో గుర్తింపు తెచ్చే వ్యూహంగా కనిపిస్తోంది. దక్షిణాది రాష్ట్రాల ప్రతినిధులను ఆహ్వానించి, కాశ్మీర్ నుండి కన్యాకుమారి వరకు జాతీయ సమైక్యత, దేశభక్తి గురించి మాట్లాడటం సిద్ధాంతపరంగా బాగున్నా, అది ఏపీ ప్రజల ఆకాంక్షలను పక్కనబెట్టినట్లుగా ఉందనే విమర్శలు వస్తున్నాయి. రాష్ట్రానికి ఉపముఖ్యమంత్రిగా ఉంటూ, ఢిల్లీ వంటి కీలక వేదికపై ఆంధ్రప్రదేశ్‌కు సంబంధించిన విభజన చట్టం హామీలు, ప్రత్యేక హోదా, నిధుల సాధన, తీవ్ర ఆందోళన కలిగిస్తున్న వైజాగ్ స్టీల్ ప్లాంట్ ప్రైవేటీకరణ వంటి సమస్యలపై కేంద్రంపై ఒత్తిడి తెచ్చే ప్రయత్నం చేయకపోవడం పవన్ కళ్యాణ్ రాజకీయ ప్రాధాన్యతలను ప్రశ్నించేలా చేస్తోంది.