సైకిల్ మంత్రి రామానాయుడు బాటలో... మిగతా ‘హై-స్పీడ్’ మంత్రులు ఎప్పుడు?

ముఖ్యమంత్రి కూడా తన కాన్వాయ్‌ను 11 వాహనాల నుంచి 4కి కుదించుకున్నారట. మంత్రుల వాహనాల సంఖ్య కూడా తగ్గించారు. “పొదుపు పథకం” అని ప్రభుత్వం గొప్పగా ప్రకటించింది. కానీ ప్రజలు ఒక ప్రశ్న వేశారు. “సెక్యూరిటీ గన్‌మెన్‌లు సైకిల్‌పైనే వస్తారా? లేదా వారి కోసం మరో కాన్వాయ్ ఏర్పాటు చేస్తారా?” ఈ సింపుల్ క్వశ్చన్‌కు ప్రభుత్వం ఇంకా క్లారిటీ ఇవ్వలేదు. “గన్‌మెన్ కూడా పెడల్ వేస్తే... ఎవరు రక్షిస్తారు? లేదా సైకిల్ ట్యూబ్ పంక్చర్ అయితే ఏం చేస్తారు?” అని ప్రజలు వ్యంగ్యంగా అడుగుతున్నారు.

ఒడిసాలో చాలా మంది మంత్రులు, ఎమ్మెల్యేలకు గన్‌మెన్‌లు కూడా లేరట. వారు బైకులు, సైకిళ్లు మీదే తిరుగుతుంటారు. కానీ ఏపీలో? అప్పులపాలైన రాష్ట్రం అయినా... హుందా మాత్రం ఎవరి తగ్గేది లేదు. “పన్నుల ద్వారా వస్తున్న ఆదాయం ఉద్యోగుల జీతాలకే సరిపోతుంది” అని సీఎం చెబుతున్నారు. అయినా మహానాడు వంటి కార్యక్రమాలు టెక్నాలజీతో నిర్వహించి, వీలైనంత వరకు ఖర్చులు తగ్గిద్దామని నిర్ణయం తీసుకున్నారు. “జూమ్ మీటింగ్‌లు, వర్చువల్ ర్యాలీలు... ఇక సైకిల్ యాత్రలు కూడా వర్చువల్‌గా చేస్తారేమో!” అని ఒక నెటిజన్ ట్రోల్ చేశాడు.

ప్రజలు అడుగుతున్నారు... ఈ పొదుపు చర్యలు ఎంత కాలం కొనసాగుతాయి? ఒక నెల? రెండు నెలలు? లేదా ఎన్నికలు వచ్చే వరకు మాత్రమే? మంత్రి రామానాయుడు ఒక్కరే సైకిల్‌పై తిరిగితే... మిగతా మంత్రులు కార్లలో కూర్చుని “గ్రేట్ జాబ్ రామానాయుడు గారు!” అని ఫోన్‌లో లైక్‌లు పంపిస్తే ఏమవుతుంది? సామాన్యుడు సైకిల్‌పై తిరిగితే “పొదుపు”, మంత్రి తిరిగితే “ఆదర్శం”. కానీ అందరూ తిరిగితే మాత్రం “ప్రమాదం” అని భయపడతారా?

ఈ సైకిల్ ప్రయాణం నిజంగా ఇంధన పొదుపు కోసమా... లేదా ఇమేజ్ పొదుపు కోసమా అనేది ఇప్పుడు రాష్ట్రవ్యాప్తంగా చర్చనీయాంశం. ఒకవేళ మంత్రులంతా నిజంగా సైకిల్‌పైకి వస్తే... ట్రాఫిక్ పోలీసులు ఏం చేస్తారు? “సార్, లెఫ్ట్ సైడ్ ఇవ్వండి... మంత్రి గారు సైకిల్‌పై వస్తున్నారు!” అని అరుస్తారా? లేదా సైకిల్ లేన్‌లు క్రియేట్ చేస్తారా?

ప్రజలు ఒక్క మాట చెప్పారు... “ఒక్కసారి అందరూ సైకిల్‌పై తిరిగి చూడండి సార్... మీకు కూడా ఎంత సరదా ఉంటుందో తెలుస్తుంది. మా జీవితం ఎంత కష్టం అనేది కూడా!”

ఇప్పుడు మంత్రులు ఏం చేస్తారో చూడాలి. సైకిల్ టైర్లు పంక్చర్ అయినా... ప్రజల ఆశలు పంక్చర్ కాకుండా చూడాలి!