మమతv/s మోదీ: బెంగాల్ సుల్తాన్ ఎవరు? ఎగ్జిట్ పోల్స్ షాకింగ్ రిపోర్ట్!

పశ్చిమ బెంగాల్‌లోని 294 అసెంబ్లీ స్థానాలకు జరిగిన ఎన్నికల ఫలితాలపై దేశవ్యాప్తంగా ఆసక్తి నెలకొంది. తాజాగా వెలువడిన ఎగ్జిట్ పోల్స్ అంచనాలు చూస్తుంటే, బెంగాల్‌లో మరోసారి 'కాషాయ దండు', 'తృణమూల్' మధ్య అంగుళం అంగుళానికి పోరాటం సాగుతున్నట్లు స్పష్టమవుతోంది. ఎగ్జిట్ పోల్స్ అంచనాలు (మొత్తం స్థానాలు: 294) మెజారిటీ మార్కు 148 కాగా, వివిధ సర్వే సంస్థల అంచనాలు రకరకాలుగా ఉన్నాయి.

బీజేపీకి స్వల్ప ఆధిక్యం?

మెజారిటీ ఎగ్జిట్ పోల్స్ (Matrize, People's Pulse) బీజేపీ మ్యాజిక్ ఫిగర్‌ను దాటే అవకాశం ఉందని అంచనా వేస్తున్నాయి. లోక్‌సభ ఎన్నికల్లో చూపిన జోరును అసెంబ్లీ ఎన్నికల్లోనూ కొనసాగించి, తొలిసారి బెంగాల్‌ గడ్డపై పాగా వేయాలని బీజేపీ భావిస్తోంది.

బెంగాల్‌లో దాదాపు 49% మంది మహిళా ఓటర్లు ఉన్నారు. వీరి ఓట్లు ఎటు మొగ్గితే వారికే అధికారం దక్కుతుంది. సందేశ్‌ఖాలీ వంటి ఘటనలు మహిళల ఓటింగ్‌పై ప్రభావం చూపాయా లేదా అనేది ఫలితాల్లో తేలనుంది.

కనుమరుగైన 'లెఫ్ట్-కాంగ్రెస్' కూటమి...

ఒకప్పుడు బెంగాల్‌ను దశాబ్దాల పాటు పాలించిన వామపక్షాలు, కాంగ్రెస్‌ కూటమి ఈసారి కూడా సింగిల్ డిజిట్‌కే పరిమితమయ్యేలా కనిపిస్తోంది. యుద్ధం కేవలం టీఎంసీ, బీజేపీ మధ్యే సాగిందని పోల్స్ చెబుతున్నాయి.

బెంగాల్ గడ్డపై మార్పు సాధ్యమేనా?

ఎగ్జిట్ పోల్స్ అంచనాల ప్రకారం.. అక్కడ ప్రభుత్వ వ్యతిరేకత బలంగా పని చేస్తోంది. అయితే, గతంలో కూడా బెంగాల్ ఎగ్జిట్ పోల్స్ తలకిందులైన సందర్భాలు ఉన్నాయి. 2021లో కూడా బీజేపీ గెలుస్తుందని చాలా సర్వేలు చెప్పినా, మమత భారీ మెజారిటీతో విజయం సాధించారు.

ప్రస్తుతానికైతే బెంగాల్‌లో "డెడ్ హీట్" నడుస్తోంది. మే 4న వచ్చే అసలు ఫలితాల్లో బీజేపీ చారిత్రక విజయం సాధిస్తుందా? లేక మమతా బెనర్జీ హ్యాట్రిక్ ప్లస్ వన్ కొడతారా? అనేది చూడాలి.