ఇరాన్ కి భయపడి కొడుకు పెళ్లికి పోలేకపోయిన ట్రంప్!

ఎంకి పెళ్లి సుబ్బి చావుకు వచ్చిన చందాన ఇరాన్ యుద్ధం ఇప్పుడు ట్రంప్ పెద్ద కొడుకు పెళ్లికి తిప్పలు తెచ్చింది. ఈ యుద్ధం మూలంగా అమెరికా అధ్యక్షుడు డోనాల్డ్ ట్రంప్ తన పెద్ద కుమారుడైన డొనాల్డ్ ట్రంప్ జూనియర్ (Don Jr.) వివాహానికి పోలేకపోతున్నారు. దీంతో ఫ్యామిలీ ఒకింత నిరాశ వ్యక్తమవుతున్నా దేశం కోసం ఇది తప్పడం లేదని ట్రంప్ ముక్తాయించారు.

ఇరాన్- అమెరికా మధ్య మళ్లీ యుద్ధ మేఘాలు మరింతగా ముసురుకుంటున్నాయి. 24 గంటల కిందట శాంతి చర్చల వైపు మొగ్గు చూపిన ఇరు దేశాలు ఇప్పుడు మళ్లీ కయ్యానికి కాలు దువ్వుతున్నాయి. తాను చెప్పిన మాట వినకపోతే దాడులు చేస్తామంటూ అమెరికా అధ్యక్షుడు ట్రంప్ మాట మార్చారు. ఇరాన్‌పై అమెరికా ఎప్పుడైనా సైనిక దాడులకు దిగవచ్చనే వార్తల్ని ఆయన ప్రచారంలో పెట్టారు. ఒకవైపు దౌత్యపరమైన చర్చలు నడుస్తున్నప్పటికీ, మరోవైపు క్షేత్రస్థాయిలో యుద్ధ సన్నద్ధత కనిపిస్తుండటం ప్రపంచవ్యాప్తంగా ఆందోళన కలిగిస్తోంది.

ప్రయాణం రద్దు చేసుకున్న ట్రంప్..

తాజా పరిణామాల నేపథ్యంలో అమెరికా అధ్యక్షుడు డోనాల్డ్ ట్రంప్ తన న్యూజెర్సీ పర్యటనను అకస్మాత్తుగా రద్దు చేసుకుని వైట్‌హౌస్‌కు చేరుకున్నారు. ప్రభుత్వం అత్యవసర పరిస్థితుల్లో ఉన్నందున తాను తన కుమారుడి వివాహానికి కూడా హాజరుకాలేకపోతున్నట్లు ఆయన సోషల్ మీడియా ద్వారా ప్రకటించారు. ఇరాన్‌పై దాడికి అమెరికా వ్యూహాలు రచిస్తోందన్న వార్తలకు ఈ పరిణామం బలాన్ని చేకూరుస్తోంది.

ప్రస్తుతం జరుగుతున్నది డోనాల్డ్ ట్రంప్ పెద్ద కుమారుడైన డొనాల్డ్ ట్రంప్ జూనియర్ (Don Jr.) వివాహం. ఆయన పామ్ బీచ్‌కు చెందిన బెట్టీనా ఆండర్సన్ అనే మహిళను వివాహం చేసుకుంటున్నారు.

ట్రంప్ చిన్న కుమారుడు బారన్ ట్రంప్ (Barron Trump) (వయసు 20 ఏళ్లు). ఆయన ప్రస్తుతం న్యూయార్క్ యూనివర్సిటీలో చదువుకుంటున్నారు. బారన్‌కు ఇంకా వివాహం కాలేదు.

ట్రంప్ తన వీకెండ్‌ను న్యూజెర్సీలోని తన గోల్ఫ్ ప్రాపర్టీలో గడపాలని ప్లాన్ చేసుకున్నారు. కానీ పెళ్లి జరుగుతున్నది న్యూజెర్సీలో కాదు. కరేబియన్ దీవుల్లోని "బహామాస్" (Bahamas) లోని ఒక చిన్న ద్వీపంలో. ఒకవేళ న్యూజెర్సీలో పెళ్లి జరిగినా వాషింగ్టన్ డీసీ నుండి కారులో 3-4 గంటల ప్రయాణం ఉంటుంది. కానీ, అసలు వివాహ వేడుక జరుగుతున్నది అమెరికాకు వెలుపల ఉన్న బహామాస్ దేశంలో.

అమెరికా అధ్యక్షుడు దేశం దాటి వెళ్లాలంటే భారీ భద్రతా ఏర్పాట్లు, ప్రయాణ సమయం పడుతుంది. ప్రస్తుతం ఇరాన్‌తో యుద్ధ వాతావరణం నెలకొనడం, పాకిస్తాన్ మధ్యవర్తిత్వంతో అత్యంత కీలకమైన అణ్వాయుధ, శాంతి చర్చలు వైట్‌హౌస్ కేంద్రంగా జరుగుతుండటంతో ట్రంప్ వాషింగ్టన్ విడిచి వెళ్లకూడదని నిర్ణయించుకున్నారు.

పాత్రికేయులతో ట్రంప్ స్వయంగా మాట్లాడుతూ ఈ విషయాన్ని సరదాగా, కాస్త అసహనంతో ఇలా వ్యాఖ్యానించారు:

"నా కొడుకు డాన్ జూనియర్ పెళ్లికి వెళ్లాలని నాకు చాలా ఉత్సాహంగా ఉంది. కానీ ప్రస్తుతం ఇరాన్ సంక్షోభం నడుస్తోంది. ఇలాంటి కీలక సమయంలో నేను వెళ్తే మీడియా నన్ను వదలదు, వెళ్లకపోయినా వదలదు. ప్రస్తుత పరిస్థితుల్లో నేను వైట్‌హౌస్‌లోనే ఉండటం దేశానికి ముఖ్యం."

వైట్‌హౌస్ వేదికగా అధ్యక్షుడు ట్రంప్ మాట్లాడుతూ ఇరాన్ అణ్వాయుధ రహిత దేశంగా ఉండాలనేది తమ ప్రధాన డిమాండ్ అని స్పష్టం చేశారు. "ఇరాన్ ఒప్పందం కోసం అర్రులు చాస్తోంది. కానీ వారు అణ్వాయుధాలను కలిగి ఉండటానికి వీల్లేదు. మేము వారిపై గట్టి దెబ్బ కొట్టాం, మాకు మరో ప్రత్యామ్నాయం లేదు" అని ట్రంప్ వ్యాఖ్యానించారు.

అలాగే ఇరాన్ సంపన్నం చేసిన యురేనియంను స్వాధీనం చేసుకోవడమే అమెరికా లక్ష్యమని, హర్ముజ్ జలసంధిలో ఇరాన్ ఎలాంటి 'టోల్' ప్లాన్‌లను అమలు చేయకుండా అడ్డుకుంటామని స్పష్టం చేశారు.

పాకిస్తాన్, ఖతార్‌ల దౌత్య నీతి

యుద్ధాన్ని నివారించేందుకు పాకిస్తాన్, ఖతార్ దేశాలు తీవ్రంగా శ్రమిస్తున్నాయి. పాకిస్తాన్ సైనిక దళాల అధిపతి ఫీల్డ్ మార్షల్ ఆసిమ్ మునీర్ ఉన్నత స్థాయి భద్రతా బృందంతో టెహ్రాన్ చేరుకున్నారు. గతంలో ఏప్రిల్ 8న జరిగిన అమెరికా-ఇరాన్ కాల్పుల విరమణ ఒప్పందంలో కీలక పాత్ర పోషించిన మునీర్, ఇప్పుడు అమెరికా ప్రతిపాదించిన కొత్త శాంతి ఒప్పందాన్ని ఇరాన్ ముందుంచినట్లు తెలుస్తోంది. పాకిస్తాన్ చేస్తున్న ఈ కృషిని అమెరికా విదేశాంగ మంత్రి మార్కో రూబియో ప్రశంసించారు. చర్చల్లో "కొద్దిపాటి పురోగతి" కనిపిస్తోందని రూబియో పేర్కొన్నారు.

చర్చలకు అడ్డుగా అమెరికా 'అతివాద డిమాండ్లు'

పాకిస్తాన్ మధ్యవర్తిత్వం వహిస్తున్నప్పటికీ, ఇరు దేశాల మధ్య అగాధం ఇంకా పూడలేదు. అమెరికా పెడుతున్న "అతివాద డిమాండ్ల" వల్లే చర్చలు ముందుకు సాగడం లేదని ఇరాన్ విదేశాంగ మంత్రి అబ్బాస్ అరాగ్చీ ఐరాస ప్రధాన కార్యదర్శి ఆంటోనియో గుటెర్రస్‌కు ఫిర్యాదు చేశారు. ఇరాన్ యురేనియం నిల్వలను విదేశాలకు పంపే ప్రసక్తే లేదని, అవసరమైతే తామే వాటి స్థాయిని తగ్గించుకుంటామని (Downblend) ఇరాన్ అధికారులు చెబుతున్నారు. రాబోయే వారాల్లో లేదా నెలల్లోనే పూర్తిస్థాయి ఒప్పందం సాధ్యం కాకపోవచ్చని ఇరాన్ విదేశాంగ శాఖ పేర్కొంది.