టెహ్రాన్ లోని గాంధీ ఆస్పత్రి ప్రవేశద్వారం
ఇరాన్ గాంధీ ఆస్పత్రిపై ఇజ్రాయిల్ దాడి, ఆస్పత్రి ధ్వంసం
రోగుల హాహాకారాలు, ఆస్పత్రి నుంచి పేషెంట్ల తరలింపు
ఇరాన్ రాజధాని టెహ్రాన్లోని గాంధీ ఆస్పత్రి ధ్వంసమైంది. ఇరాన్-అమెరికా యుద్ధంలో ఈ ఆస్పత్రి ధ్వంసమైనట్టు తెలుస్తోంది. టెహ్రాన్ ఉత్తర భాగంలో గాంధీ స్ట్రీట్ ప్రాంతంలో ఉన్న ఈ ఆస్పత్రి ధ్వంసం అంతర్జాతీయంగా తీవ్ర చర్చనీయాంశమైంది.
గాంధీ ఆస్పత్రి: నేపథ్యం
గాంధీ హోటల్-హాస్పిటల్ కాంప్లెక్స్లో భాగమైన ఈ ఆస్పత్రి 2008లో ఏర్పాటైంది. 32,000 చదరపు మీటర్ల విస్తీర్ణంలో వ్యాపించి, 100 ఇన్పేషెంట్ బెడ్స్, 40 ICU బెడ్స్, 17 అధునాతన ఆపరేషన్ థియేటర్లతో ప్రసిద్ధి చెందింది.
ఇరాన్ మెడికల్ టూరిజం కేంద్రంగా ప్రసిద్ధి. భారతీయులు సహా ప్రపంచవ్యాప్తంగా రోగులు వచ్చే హాస్పిటల్ ఇది. ఎంట్రన్స్లో మహాత్మా గాంధీ విగ్రహం ఉంటుంది. ఇది మామూలు ఆస్పత్రి మాత్రమే కాదు ఇదో లగ్జరీ హోటల్ తో కలగలిపిన అత్యాధునిక మెడికల్ ఫెసిలిటీ.
యుద్ధ సందర్భంలో...
ఫిబ్రవరి 28, 2026న అమెరికా (ట్రంప్ ప్రభుత్వం) + ఇజ్రాయెల్ కలిసి ఇరాన్పై భారీ దాడులు చేశాయి. ఇందులో సుప్రీం లీడర్ ఆయతుల్లా అలీ ఖమేనీ సహా టాప్ లీడర్లు చనిపోయారు. మార్చి 1న ఈ దాడులు రెండో రోజు కొనసాగాయి. ఇజ్రాయెల్ “ఇరాన్ టెరర్ రెజిమ్ హార్ట్ ఆఫ్ టెహ్రాన్”ను టార్గెట్ చేస్తున్నట్లు ప్రకటించింది. ఈ నేపథ్యంలోనే గాంధీ ఆస్పత్రి దెబ్బతింది.
ఏమి జరిగింది?
ఇజ్రాయెల్ (అమెరికా మద్దతుతో) వైమానిక దాడులు గాంధీ స్ట్రీట్ ఏరియాలోని ఆస్పత్రిని నేరుగా తాకాయి. రాయిటర్స్ ప్రకారం ఇద్దరు సాక్షులు చెప్పినట్లు – ఆస్పత్రి “బాగా ధ్వంసమైంది”, రోగులను బయటకు తీసుకురావాల్సి వచ్చింది. ఇరాన్ స్టేట్ మీడియా (ISNA, Fars, Press TV, IRIB) దీన్ని “జియోనిస్ట్-అమెరికన్ ఎయిర్ స్ట్రైక్స్”గా అభివర్ణించింది.
ధ్వంసం ఎలా అయిందంటే?
ఎంట్రన్స్ భాగం తీవ్రంగా దెబ్బతింది. కిటికీలు పగిలిపోయాయి. గోడలు బీటలు వారాయి. ధూళి ధూమారం రేగింది. లోపల ఫ్లోర్ అంతా పగిలిన గాజు పలకలతో నిండిఉంది. వీల్చైర్లు, స్ట్రెచర్లు చెల్లాచెదురుగా పడి ఉన్నాయి. చుట్టుపక్కల రెసిడెన్షియల్ ఏరియాలు కూడా దెబ్బతిన్నాయి. ఇక ఆస్పత్రి బయట చెప్పనలివి కాకుండా ఉంది పరిస్థితి.
రోగుల హాహాకారాలు...
నర్సులు, సిబ్బంది రోగులను వెంటనే బయటకు తీసుకొచ్చారు. ఒక ఇంక్యుబేటర్లో ఉన్న బేబీని కూడా సేఫ్గా బయటకు తరలించారు. సోషల్ మీడియాలో వైరల్ అయిన వీడియోల్లో రోగుల ఆర్తనాదాలు, రోగులు రోడ్డుపై పరుగులు తీయడం కనిపిస్తుంది. వీల్చైర్లు చెల్లాచెదురు, నర్సులు రన్ చేస్తూ కనిపించారు. టైమ్స్ ఆఫ్ ఇండియా, అల్ జజీరా వంటి మీడియా ఈ దృశ్యాలను ప్రసారం చేశాయి.
ఆస్పత్రి బిల్డింగ్ బాగా డ్యామేజ్ అయింది. పేషెంట్ కేర్ పూర్తి స్థాయిలో ఆగిపోయింది. హాస్పిటల్ స్పెసిఫిక్ మరణాల సంఖ్య ఇంకా అధికారికంగా వెల్లడి కాలేదు. కానీ టెహ్రాన్లోని ఇతర దాడుల్లో 20మందికి పైగా మరణించినట్టు తెలుస్తోంది. చుట్టుపక్కల నివాసితులు, సిబ్బంది భయంతో రోడ్లపైకి వచ్చారు.
అంతర్జాతీయ ప్రతిస్పందన..
WHO చీఫ్ టెడ్రోస్ అధనోమ్... “టెహ్రాన్ గాంధీ ఆస్పత్రి ధ్వంసం అత్యంత ఆందోళనకరం. హెల్త్ ఇస్ నాట్ ఎ టార్గెట్!” అని Xలో పోస్ట్ చేశారు. WHO ధృవీకరణ చేస్తున్నట్లు తెలిపారు. ఇది “యుద్ధ నేరం” అని ఇరాన్ ఆరోపించింది.
ఇది ఎందుకు ముఖ్యం?
గాంధీ ఆస్పత్రి ధ్వంసం కేవలం ఒక హాస్పిటల్ దాడి కాదు- ఇరాన్పై జరుగుతున్న యుద్ధంలో సివిలియన్ ఇన్ఫ్రాస్ట్రక్చర్ (ఆసుపత్రులు) కూడా టార్గెట్ అవుతున్నాయనే దానికి సిగ్నల్. ఇది ఇరాన్ రిటాలియేషన్ (దుబాయ్పై దాడులు)ను మరింత తీవ్రం చేసే అవకాశం ఉంది. ఇరాన్ మెడికల్ టూరిజం, సాధారణ ప్రజల జీవితాలపై పెద్ద విఘాతం అనే చెప్పాలి.
ప్రస్తుతం (మార్చి 2, 2026) ఆస్పత్రి ఖాళీ అయింది. రోగుల్ని ఇతర చోట్లకు షిఫ్ట్ చేస్తున్నారు. పరిస్థితి ఇంకా టెన్షన్గానే ఉంది. మరిన్ని దాడులు జరిగే అవకాశం ఉంది. ఈ యుద్ధం మానవీయ విపత్తుగా మారకుండా శాంతి ఏర్పడాలని ఆశిద్దాం.
Live Updates
- 2 March 2026 12:46 PM IST
• వాషింగ్టన్తో అణు చర్చల ప్రతిపాదన చేయలేదు: శాంతి చర్చలు ప్రారంభించడానికి తాను ప్రయత్నం చేసినట్లు అమెరికా మీడియా లో వచ్చిన వార్తలను ఇరాన్ జాతీయ భద్రతా మండలి కార్యదర్శి అలీ లారిజాని ఖండించారు.
• లెబనాన్ లోని హిజ్బుల్లా మిలిషియా మీద ఇజ్రేల్ యుద్ధం ప్రకటించింది. ఇజ్రాయెల్ వైమానిక దాడుల్లో ఇప్పటివరకు కనీసం 31 మంది మరణించగా, 149 మంది గాయపడ్డారని లెబనీస్ అధికారులు చెబుతున్నారు. ఇరాన్ కు మద్దతుగా హిజ్బుల్లా ఇజ్రేల్ మీద క్షిపణులను ప్రయోగిస్తున్నది.
• హిబ్జుల్లా మిలిషియా ఉత్తర ఇజ్రేల మీద క్షిపణులతో దాడులు చేస్తున్నది. ఖమేనీ హత్యకు ప్రతీకారంగా ఈ దాడులు ప్రారంభించింది. హిజ్బుల్లాకు ఇరాన్ ఇంతవరకు అండగా ఉండింది.
- 2 March 2026 12:29 PM IST
ట్రంపు యుద్ధం అమెరికా న్యాయ సమ్మతమేనా: అమెరికా అధ్యక్షుడు ట్రంప్ ఇరాన్ మీద చేస్తున్న యుద్ధానికి అమెరికా పార్లమెంటు ఆమోదం లేదని, అది రాజ్యాంగ సూత్రాలను వ్యతిరేకం అని న్యూయార్క్ టైమ్స్ పత్రిక వ్యాఖ్యానించింది.
Next Story